Infertility according to Ayurveda :

वंध्यत्व (Infertility):- जोडप्याला लग्नानंतर एक वर्षानंतर कोणतेही गर्भनिरोधक साधन न वापरता शरीरसंबंध केल्यानंतरसुध्दा गर्भधारणा होत नसेल, तर त्या जोडप्यास वंध्यत्व आहे असे म्हणू शकतो. या समस्येला स्त्री किंवा पुरुष किंवा दोघेही कारणीभूत असू शकतात. म्हणूनच स्त्री आणि पुरुष या दोघांच्याही चाचण्या तज्ज्ञ डॉक्टरांच्या मार्गदर्शनाखाली व मान्यताप्राप्त लॅबमध्ये होणे तितकेच महत्त्वाचे ठरते. त्या वैद्यकीय रिपोर्टच्या आधारे व्यक्तिगणिक उपचारांची रूपरेषा तज्ज्ञ डॉक्टर ठरवू शकतात. स्त्रियांमधील वंध्यत्वाची कारणे : - अनियमित मासिक पाळी - अंडकोषातून स्त्रीबीज बाहेर न पडणे म्हणजेच PCOS नावाचा आजार असू शकतो. ह्यामध्ये शरीरातील संप्रेरकमध्ये बदल होतो व अंडाशयावरती सूज येते. या आजाराला पॉलिसिस्टिक ओव्हरी सिन्ड्रोम (पीसीओएस) असे म्हणतात. हे सध्याच्या काळात वंध्यत्वाचे प्रमुख कारण बनले आहे. - गर्भनलिका बंद किंवा अकार्यक्षम असणे - गर्भाशय परिपक्व नसणे किंवा त्यात गाठी असणे (फायब्रॉइड) - थायरॉइड ग्रंथी व्यवस्थित काम न करणे - बदललेली जीवनशैली /ताणतणाव - मद्यपान, धूम्रपान यासारखी वाईट व्यसने असणे - खाण्यापिण्याच्या अनियमित वेळा, बाहेरचे तसेच हवाबंद डब्यातील प्रक्रियायुक्त अन्नपदार्थांचे सेवन व मुख्यत्वे करून घरगुती चौरस आहाराचा अभाव - करियर करण्याला प्राधान्य देऊन लग्न उशिरा करणे किंवा लग्नानंतर सुद्धा करियर ,इतर प्रापंचिक जबाबदाऱ्या, अडचणी असल्यामुळे बरेच वर्ष कुटुंब नियोजन करणे. @#cap Admin Ayurveda

1 Like

LikeAnswersShare

Cases that would interest you